Face coverings required in court facilities.
The response to COVID-19 has impacted access to courthouses and may change the way cases are handled.
Learn more »

Macluumaadka COVID-19 Information

Soomaali/Somali Resources

July 7, 2020
Laga bilaabo July 13 dadka imaanaya maxkamadaha gobolkaan waa ineey xirtaan daboolka sanka iyo afka

Sida ku xusan amar kasoo baxay Garsoore Sare Lorie S. Gildea  oo ah madaxa Maxkamadda Sare ee gobolka Minnesota, laga bilaabo July 13-keeda qof kastoo soo gala gudaha maxkamadaha oo ay xataa ku jiraan garsoorayaasha iyo shaqaalaha kale waxaa waajib laga dhigay ineey xirtaan daboolka sanka iyo afka,.
Amarku wuxuu waajib ka dhigayaa in dadku markeey hawlo u yimaadaan maxkamadda degmada iyo racfaanka ay xirtaan sanka iyo afka.
Dadka soo booqda 105-ta laamood ee maxkamaddu haddii aysan haysan daboolka wejiga ama ay qabaan xaalad caafimaad oo u diideeysa ineey dabooshaan wejiga waa ineey isla markiiba la hadlaan shaqaalaha maxkamadda. Qofkii aan haysan daboolka wejiga waxaa la siinayaa wax ay ku dabooshaan sanka iyo afka.
 
“Amarka ah in la xirto daboolka sanka iyo afka markii aysan suurta gal ahayn in la kala fogaado wuxuu suurta gal ka dhigayaa in Laanta Caddaaladdu ay si habsami leh oo isku wada mid ah u kordhiso hawlaha meel marinta caddaaladda, isla markaaasna ay sugto aammaanka dhanka caafimaadka ee dadweynaha imaanaya qaybaha kala duwan ee maxkamadda,” sidaas waxa yidhi madaxa Maxkamadda Sare, Garsoore sare Gildea.  
 
Amarkani wuxuu soo baxay kaddib markii National Center for State Courts ay June 24, 2020  wareeysi ay ka qaadday dadweeynaha fekerkooda ka dib ay dadkii kasoo jawaabey boqolkiiba 70 sheegeen ineey kalsooni ku qabi doonaan haddii shaqaalaha maxkamadda iyo dadweynaha soo booqanayaba lagu amro ineey xirtaan daboolka afka iyo sanka.
 
Laanta Garsoorka ee Minnesota weli waxay ku jirtaa marxalad ku meel gaar ah sida ku xusan amarradii hore...
May 28. 2020 amarkaan order  wuxuu dib u furay maxkamadaha una fasaxay in si kooban loo kordhiyo imaatinka dadwyeeynaha. Maxkamadaha degmooyinka qaarkood waxaa dhici karta in dadka doonaya ineey la kulmaan shaqaalaha miiska hore ama ay adeegsadaan kombuteraada ay dadku wax ka baartaan ay u baahan doonaan ineey ballan sii qabsadaan.
Maxkamadda degmadaadu waxaa dhici karta ineey leedahay shuruudo kale oo dheeri ah.
 
Inteeysan imaan ka hor dadweynaha soo booqanaya maxkamadda qaybaheeda kala duwan waxaa la farayaa ineey soo fiiriyaan bogga Safe Reopening webpage si ay wax uga sii ogaadaan arrimaha ku saabsan maxkamadda degmadooda isla markaasna ay eegaan wixii kusoo kordhay  Minnesota Judicial Branch COVID-19 Preparedness Plan.
Dadka imaanaya maxkamadda waxaa la weeydiin doonaa  self-screen for symptoms or exposure, qofkii lagu arko calaamadaha COVID-19 ama 14 maalmood ka hor maalinta ay doonayaan ineey imaadaan maxkamadda ka ag dhawaaday qof qaba cudurka COVID-19 waxaa laga dalban doonaa ineeysan imaan maxkamadda ee ay contact the court  ama la xiriiraan qareenkooda.
Calaamadaha COVID-19 ee la iska fiiriyo waxaa ka mid ah: Xummad, qufac, xanuunka murqaha, neefsashada oo dhib noqota, qandho gaarta 100.4 ama ka badan, dhedhenka iyo urka  oo dhawaan kaa dhumay.
 
Degmooyinka loo oggolaaday ineey qabtaan dacwooyinka dadka lagu soo eedeeyey dembiyada waxeey u diyaariyeen xeer beegtida daboolaha sanka iyo afka.